दाङमा सवारी दुर्घटनामा दुई जनाको मृत्यु

वैशाख २७, २०७९ मा प्रकाशित

दाङमा सवारी दुर्घटनामा परी सोमबार गम्भीर घाइते भएका दुई जनाको मंगलबार उपचारका क्रममा मृत्यु भएको हो । मृत्यु हुनेमा गढवा गाउँपालिका–६ निवासी २० वर्षीय अरुण चौधरी र सोही स्थानका २३ वर्षीय सुरज चौधरी रहेको जिल्ला प्रहरी कार्यालयका प्रवक्ता मुकुन्दप्रसाद रिजालले जानकारी दिएका छन ।

घाइते दुवैलाई लमही अस्पतालमा प्राथमिक उपचार पछि थप उपचारका लागि नेपालगञ्ज सिफारिस गरिएको थियो भने उपचारका क्रममा दुवै जनाको मृत्यु भएको जानकारी आएको छ |