.png){kind=logo}
जयनगर-जनकपुरधाम रेलमा आगलागी; रेलमा सामान्य क्षति
जनकपुर आउने क्रममा रहेको नेपाली रेलमा बिहीबार दिउँसो आगो लागेको छ ।
नेपालको एकमात्र जयनगर-जनकपुरधाम रेलको एउटा डब्बामा केमिकल पोखिएर आगलागी भएको हो ।
जयनगर स्टेशनबाट कुर्था आउने क्रममा १९०१ नम्बर रेलको एउटा बोगीमा बिहीवार दिउँसो आगलागी भएको नेपाल रेल्वे कम्पनीले जनाएको छ । बोगीमा लागेको आगो तत्कालै नियन्त्रणमा लिइएको थियो ।
प्रतिबन्धित केमिकल बोकेर जयनगरस्थित १ नम्बर गेटबाट रेलमा प्रवेश गरेकी दुई महिलालाई भारतीय प्रहरीले जयनगरमै पक्राउ गरेर नेपाल प्रहरीको जिम्मा लगाएको नेपाल रेल्वे कम्पनीले जनाएको छ ।
पक्राउ परेका महिलाहरुमाथि अनुसन्धान अघि बढाइने रेल्वे कम्पनीले बताइएको छ ।
आगलागीपछि यात्रुहरुको भागाभाग भएको थियो । रेलमा भएको आगलागीबाट सामान्य क्षति भएको छ ।
सम्बन्धित शीर्षकहरु
