.png){kind=logo}
होटलमा प्लाष्टिकजन्य वस्तुको प्रयोगमा रोक
होटल एशोसिएशन नेपालका उपाध्यक्ष विनायक शाहले दिनप्रतिदिन बढिरहेको जलवायु परिवर्तनले गर्दा मानिसको जीवनमा र यसको असरलाई कम गर्न होटलमा प्लाष्टिकजन्य वस्तुको प्रयोग रोक लगाएको बताएका छन् ।
होटल एशोसिएशन नेपालले यही जेठ १८ गतेबाट होटलमा प्लाष्टिकजन्य वस्तुको प्रयोग बन्द गर्ने अभियान सञ्चलन गरेको हो ।
जलवायु परिवर्तनमा सबैभन्दा धेरै असर प्लाष्टिकका कारण भएको भन्दै उनले प्रदूषण घटाउने, क्लाइमेट चेन्जको असरलाई कम गराउँदै जाने लक्ष्यका साथ यो अभियान थालेको बताएका हुन् ।
उनले २०२४ सम्ममा होटलमा आउनेहरुलाई प्लाष्टिकजन्य वस्तु बिना सेवा दिने काम सफल गर्ने लक्ष्य रहेको जानकारी पनि दिएका छन ।
सम्बन्धित शीर्षकहरु
