.png){kind=logo}
आईपीओ भर्दा ५ रुपैयाँ भन्दा बढी सि–आश्वा शुल्क लिन नपाउने
नेपाल धितोपत्र बोर्डले सि–आश्वा शुल्क घटाउने भएको छ। भदौ ५ गते, आइतबार बसेको बोर्डको बैठकमा सो प्रस्ताव लगिएको बोर्डका अध्यक्ष रमेश हमालले जानकारी दिएका छन्।
उनका अनुसार अब ५ रुपैयाँभन्दा बढी शुल्क लिन नपाउने व्यवस्था गरिनेछ। यो निर्णय चाँर्ड कार्यान्वयनमा ल्याउले पनि उनले बताएका छन्।
५ रुपैयाँ शुल्कमा १ रुपैयाँ धितोपत्र निष्काशन तथा बिक्री प्रबन्धकले पाउने छ भने १ रुपैयाँ सिडिएस एण्ड क्लियरिङले पाउनेछ। अधिकतम शुल्क ५ रुपैयाँ तोकिएपनि सोभन्दा कम लिन सक्ने वा निःशुल्क पनि गर्न सकिने उनले बताए।
बैंक तथा वित्तीय संस्थाले आईपीओ भर्दा अधिकतम् १०० रुपैयाँसम्म शुल्क लिँदै आएका थिए । यद्यपि केही बैंकहरुले भने निःशुल्क सेवा दिँदै आएका थिए
‘धितोपत्र बोर्डले बैंक तथा वित्तीय संस्थाहरुलाइ लगानीकर्ताप्रति उत्तरदायी बनुन भन्ने उद्देश्यले यो निर्णय गरिएको हो,’ सेबोन अध्यक्ष रमेश हमालले बताए।
सम्बन्धित शीर्षकहरु
