.png){kind=logo}
भोलिदेखि विद्यालय बन्द हुने, सञ्चालन भइरहेकाे परीक्षा नरोकिने
शिक्षा, विज्ञान तथा प्रविधि मन्त्रालयले पुस २७ गतेदेखि नै विद्यालयहरु बन्द गर्ने निर्णय गरेको छ ।
सोमबार बसेको मन्त्रालयको बैठकले पुस २७ गतेदेखि माघ १५ गतेसम्म विद्यालयहरु बन्द गर्ने निर्णय गरेको प्रवक्ता दीपक शर्माले जानकारी दिए । शर्माले प्रेस विज्ञप्ति जारी गर्दै बिदाको अवधिका सिकाइ सहजीकरण निर्देशिका २०७७ ले गरेको व्यवस्था बमोजिम सिकाइमा आवश्यक सहजीकरण गर्ने प्रबन्ध मिलाउन विद्यालयलाई आग्रह गरेका छन् ।
कोरोना संक्रमण बढ्दै गएपछि आइतबार कोभिड–१९ संकट व्यवस्थापन समन्वय केन्द्र (सीसीएमसीसी) ले माघ १५ गतेसम्म विद्यालय बन्द गर्न सिफारिस गरेको थियो ।
विज्ञप्तिमा बिदाको उक्त अवधिमा १२ वर्षदेखि १७ वर्ष उमेर समूहका विद्यार्थीहरुलाई स्थानीय स्वास्थ्य चौकी मार्फत खोप लगाउन हुँदा विद्यालयसँग समन्वय गरी खोप लगाउन अनुरोध गरिएको छ ।
त्यस्तै, विश्वविद्यालय शैक्षिक प्रतिष्ठानहरुको पूर्व निर्धारित सेमेष्टर, वार्षिक परीक्षाका कार्यक्रमहरु जनस्वास्थ्य र सुरक्षाको मापदण्डहरु पूर्ण रुपमा पालना हुनेगरी जेड आकारमा विद्यार्थीको बसाइ व्यवस्था गरी परीक्षा सञ्चालन गर्न मन्त्रालयले आग्रह गरेको छ ।
सम्बन्धित शीर्षकहरु
