सन्दिप लामिछाने चर्चित पोर्टल क्रिकइन्फोले एसोसिएट बलरको अवार्डका लागि मनोनयन

माघ ९, २०७८ मा प्रकाशित

नेपाली राष्ट्रिय क्रिकेट टिमका कप्तान सन्दीप लामिछानेलाई क्रिकेटको चर्चित पोर्टल क्रिकइन्फोले एसोसिएट बलरको अवार्डका लागि मनोनयन गरेको छ।

इएसपिएन क्रिकइन्फो अवार्ड २०२१ का लागि एसोसिएट बलर अवार्डमा सन्दीपसहित पाँच बलर छन्। जसमा नामिबियाका तीन बलरहरू जान फ्राइलिङ्क, रुबेन ट्रम्पलम्यान, जेजे स्मिथ र नाइजेरियाका पिटर अहो रहेका छन्।सन्दीपलाई पपुवा न्युगिनी (पिएनजी) विरुद्धको खेलका आधारमा अवार्डको मनोनयनमा राखिएको हो।

फ्राइलिङकले युएईविरुद्ध ६ विकेट लिँदा २४ रन दिएको प्रदर्शनको आधारमा मनोनयनमा राखिएको जानकारी आएको हो । यस्तै रुबेनले स्कटल्यान्डविरुद्ध टी-२० विश्वकपमा ३ विकेट लिँदा १७ रन खर्चिएका थिए भने अवार्डको लागि १२ विधामा प्रदान गरिनेछ। जसमा टेस्ट, एकदिवसीय, टी-२०, महिला र एसोसिएटको उत्कृष्ट ब्याट्सम्यान र बलर छन्। यस्तै डेब्यू खेलाडी र उत्कृष्ट कप्तानलाई पनि अवार्ड दिइने व्यावस्था गरिएको छ |