दुई वर्षभित्रै मझगाउँ विमानस्थल सञ्चालनमा ल्याउँछौँ : मन्त्री आलेमगर

कार्तिक १०, २०७८ मा प्रकाशित

आज महेन्द्रनगरस्थित मझगाउँ विमानस्थल क्षेत्रको अवलोकनका क्रममा उहाँले विमानस्थलको धावनमार्गको क्षेत्रफल बढाएर भए पनि विमानस्थल सञ्चालन गरिने बताउनुभयो । “विमानस्थलसँग ७० बिघा जग्गा रहेको छ”, उहाँले भन्नुभयो, “दक्षिणतर्फको ५०० मिटर जग्गा अधिग्रहण गरी विमानस्थल विस्तार गर्छौं ।” बन्द विमानस्थल सञ्चालन गर्नका लागि रु ५३ करोड ६० लाख बजेट विनियोजन भइसकेको उल्लेख गर्दै उहाँले बोलपत्र आह्वान (टेण्डर)को कार्य पूरा भएको बताउनुभयो । “बोलपत्र आह्वान भइसकेको छ”, उहाँले भन्नुभयो, “काठमाडौँ फर्केलगत्तै सम्झौता गर्छौं । काम सुरु हुन्छ ।” उहाँले कैलालीको गेटा विमानस्थललाई क्षेत्रीयस्तरको बनाउनका लागि समेत कार्य अगाडि बढाइएको बताउनुभयो । बजेटका कारण विमानस्थलसम्बन्धी कार्य अगाडि बढ्न नसकेको उल्लेख गर्दै उहाँले बजेट चाँडै स्वीकृत भएपछि कार्य सुरु हुने बताउनुभयो । आरक्ष पीडितको समस्या समाधानका लागि कार्य अगाडि बढाइने मन्त्री आलेमगरको भनाइ थियो