.png){kind=logo}
श्रीलंकामा आर्थिक संकटको असरः औषधी अभावका कारण अस्पतालले रोक्यो शल्यक्रिया सेवा
स्वास्थ्य सामग्री तथा औषधी अभाव भएपछि श्रीलंकाको पेराडेनिया अस्पतालमा शल्यक्रिया रोकिएको छ ।
अस्पताल प्रशासनले एक परिपत्र जारी गर्दै शल्यक्रिया रोक्नुको कारण उल्लेख गरेको छ । ‘‘हाम्रो अस्पतालमा एनेस्थेसिया र शल्यक्रियाका लागि प्रयोग हुने धेरै औषधि र उपभोग्य वस्तुको अभाव छ ।
भर्ना भएका बिरामीको शल्यक्रियालगायतका सबै नियमित शल्यक्रियाहरू स्थगित गर्ने निर्णय भएको छ’, अस्पतालले जारी गरेको परिपत्रमा भनिएको छ ।
अस्पतालका निर्देशकले औषधिको अभाव देखाउँदै सबै नियमित शल्यक्रियाहरू अस्थायी रूपमा रोकेको बताएका छन् ।
अस्पतालामा स्वास्थ्य सुविधाको अभावपछि भारतीय विदेशमन्त्री एस जयशंकरले मंगलबार श्रीलंकास्थित भारतीय कमिसनारलाई सो अस्पताललाई सहयोग गर्न अनुरोध गरेका छन् । जयशंकरले भारतीय उच्चायुक्त गोपाल बागलेलाई भारतले श्रीलंकालाई गर्न सक्ने सहयोगका उपायबारे छलफल गर्न आग्रह गरेका हुन् ।
सम्बन्धित शीर्षकहरु
