सिरहा तनावग्रत: सिके राउतका कार्यकर्ता र प्रहरीबीच झडप

पुस १३, २०७८ मा प्रकाशित

सिरहा प्रशासनले जारी गरेको निषेधाज्ञालाई जनमत पार्टीका कार्यकताहरुले उल्घंन गरी प्रदर्शन गरेका छन् ।

प्रहरी भने राजमार्ग खुलाउने प्रयासरत छन् । राजमार्ग र सिरहा– चोहर्वा सडक खण्ड सूचारु राख्नकै लागि प्रशासनले दुई दिनको लागि निषेधाज्ञा जारी गरेको थियो । प्रहरी प्रशासनलाई चुनौती दिँदै सिरहाको मिर्चैयामा जनमत पार्टीका कार्यकर्ताहरुले प्रदर्शनमा उत्रेपछि राजमार्ग अवरुद्ध बनेको हो । प्रशासनले आज (मंलबार)विहान ५ बजेदेखि बेलुका ७ बजेसम्मका लागि निषेधाज्ञा जारी गरेको थियो । यद्यपि जनमत पार्टीका कार्यकर्ताहरुको विरोधमा उत्रिएको छ ।

औरही गाउँपालिकाले किसानमाथि दर्ता गराएको मुद्दा खारेज गर्नुपर्ने, पक्राउ परेका किसानलाई रिहा गर्नुपर्ने, औरही गाउँपालिका अध्यक्ष सिदार्थले गरेको भ्रष्टाचारको छानविन हुनुपर्ने, किसानलाई समयमा मलखाद उपलब्ध गराउनुपर्ने माग राख्दै जनमत पार्टी आन्दोलनमा उत्रिएका छन् ।

निषेधाज्ञाका बाबजुद मिर्चैयास्थित राजमार्गमा प्रदर्शनमा जनमतका कार्यकर्ताहरु उत्रेपछि अहिले सिरहाको अवस्था तनावग्रत बनेको हो ।