.png){kind=logo}
प्रधानमन्त्री देउवाले राष्ट्रका नाममा सम्बोधन गर्ने
प्रधानमन्त्री शेरबहादुर देउवाले शुक्रबार राष्ट्रको नाममा सम्बोधन गर्ने भएका छन् ।
प्रधानमन्त्रीको सचिवालयका अनुसार देउवाले दिउँसो ३ बजे राष्ट्रका नाममा सम्वोधन गर्न लागेका हुन् ।
प्रधानमन्त्रीको सम्बोधन नेपाल टेलिभिजनले प्रत्यक्ष प्रसारण गर्ने बताइएको छ।
सम्बोधनमा कोरोना महामारी र सरकारको ६ महिने काम कारबाहीबारे जानकारी दिने बुझिएको छ ।
गत २९ असारमा प्रधानमन्त्री भएका देउवाको कार्यकाल यही पुस २९ गते ६ महिना पूरा भएको थियो ।
देश कोरोना महामारीको चपेटामा परिरहेको तथा स्थानीय तथा संघीय निर्वाचन गर्नेबारे छलफल चलिरहेका बेला प्रधानमन्त्री देउवाले सम्बोधन गर्न लागेका हुन्।
आजै अपराह्न ४ बजे प्रधानमन्त्रीको सरकारी निवास (बालुवटार) मा सत्ता गठबन्धनको उच्चस्तरीय राजनीतिक समन्वय समितिको बैठक बस्दै छ।
सम्बन्धित शीर्षकहरु
