कैलालीको १४ औँ अधिवेशनअन्तर्गत जिल्ला नेतृत्व निर्वाचनको मतगणना सुरू

फाल्गुन १६, २०७८ मा प्रकाशित

निर्वाचन समितिका अनुसार दिउँसो साढे दुई बजेदेखि मतगणना सुरु भएको हो । निर्वाचनमा दुई हजार चार सय ८५ जनाले मतदान गरेका थिए । काँग्रेस कैलालीको जिल्ला अधिवेशनका लागि दुई हजार पाँच सय ७६ प्रतिनिधि छनौट भएको हो |

काँग्रेस कैलालीको नयाँ नेतृत्वका लागि नारायण भट्ट, प्रकाश बम र रामबहादुर कलेल प्यानलसहित निर्वाचनमा उत्रिएका छन् । पार्टीका निर्वाचन अधिकृत टेकप्रसाद सुवेदीले पहिलो चरणमै सभापति निर्वाचित हुन नसकेमा १८ फागुनमा दोस्रो चरणमा निर्वाचन गर्ने तयारी भइरहेको बताएका छन |

सभापतिका उम्मेदवार नारायणदत्त भट्टले क्षेत्रगत रुपमा मतगणना गरिनुपर्ने माग गरेका थिए भने, बाँकी दुई जना प्रकाश बम र रामबहादुर कलेलले छुट्टाछुट्ट मत गणना गर्न नहुने अडान लिएका थिए | रासस