विश्वकप क्रिकेट: पहिलो सेमिफाइनलमा आज इंग्ल्याण्ड र न्युजिल्याण्ड भिड्दै

कार्तिक २४, २०७८ मा प्रकाशित

इंग्ल्यान्ड सुपर -१२ को समूह-१ बाट पाँच खेलमा चार जित र एक हारसहित आठ अंक जोड्दै शीर्ष स्थानमा रहेर सेमिफाइनल पुगेको हाे । आबुधाबीमा हुने खेल नेपाली समयअनुसार राति ७:४५ बजे सुरु हुनेछ ।

यस्तै, समूह- २ मा रहेको न्यूजिल्यान्ड पाँच खेलमा चार जित र एक हारसहित दोस्रो स्थानमा रहेर सेमिफाइनल स्थान बनाएको हाे ।

आजको खेलको बिजेताले फाइनलमा अष्ट्रेलिया र पाकिस्तानबीचको बिजेतासँग खेल्नेछ। अष्ट्रेलिया र पाकिस्तानबीचको दोस्रो सेमिफाइनल खेल भोलि हुँदैछ।